- التفاصيل
- أشرف فلتس
قصيدة .. تبحث عن إجابة
ليه يارب الألم ... ليه الحياة مؤلمة ؟
عايشين فيها بنعانى ... و الفرح مالهوش زمن
ليه بنتولد بنصرخ ... و الأم بالوجع حاسه
بنموت و الفراق صعب ... و الحزن فى القلب عشعش
كل الحياة هَمْ ... الخلق فيه عايشين
لسه الحياة أّنين ... فى القلب به حاسين
فى ناس بتقول أّه ... الوجع وصل لمداه
و ناس بتقول لاّ ... مش قادره أكمل الحياة
هو يعنى غلطتى ... هو حد خد رأييِّ
ولا جيت لحاجة ... و أنا مش فاهم قصدى
هل لكده جينا ... و أتولدنا و الشر فيها
ولا ده خير لينا ... مش قادر أفهم معانيها
يارب عقلى وقف ... أنى أفهم لغزك
و بحثى عنك ضلْ ... و مش فاهم فكرك
هو بجد فيه معنى ... مش قادر أشوفه ؟
ولا حياتى فى الأرض ... وقت و هاينتهى طيفه
لقينا أو ملقيناش ... حد نشاركه الحياة
وحدة و ذنب و خوف ... جوه الكيان منقوش
هو أنت يا رب حقيقى ... هو أنت يا رب موجود
أمال فين صلاحك ... مش انت مش محدود ؟
هوصحيح بتحبنى ... و كلماتك حقيقية
أمال سايبنى ليه ... اتألم فى الحياه ديه ؟!!!
اشرف فلتس
