اختبارات

وداع صديق العمر

تقييم المستخدم: 5 / 5

من كام شهر كنت تركني شخص عزيز لقلبي
كانت تضمنا علاقة شخصية خاصة،،، تركني في عرض البحر ولكني لم اتركه
عافرت الموج وصارعت الموت كي لا يسلبه مني
 و انتابني احساس العجز بعدم المقدرة في انقاذه،،، فقد كان الموت قد سبقني إليه

وكانت الصدمة التي رفضها العقل والقلب

كنت شخص غريب الأطوار، حاسس بحاجة تقيله في قلبي! كنت مصدوم ومش فاهم حاجات كتير
مغيب الوعي وفاقد الزمن، لكن مدرك اني لسه عايش

مش حاسس بإحتياج الجسد من أكل ونوم!

ده مكنش نتيجة للحزن، انا كنت لسه ماوصلتش لمستوى الأدراك عشان أحزن
مكنتش عارف أميز حاجات كتير، كنت بروح الشغل وأرجع بس كنت الحاضر الغائب
كنت مش فاهم ، كنت رافض احضر أي جنازة أو احضر أي قاعة عزاء
كنت مش متكيف ومش عارف أطلع مشاعري
جوايا كلام كتير ومكتوم مش عارف أعبر
كنت كاره احساس العجز اللي كنت فيه

كان قدامي طريقين

يا إما أستسلم لأحساس بإني مفقود وبلا هوية
أو أعافر مع نفسي اني استخدم طاقة الحزن اللي جوايا تدفعني لقدام

طلبت ان اخضع لجلسات مشورة

وكانت أول مرة اكون في جلسه مشوره من هذا النوع

مش عارف انا فين ولا عارف رايح علي فين

بس واثق اني جوايه طاقة هتطور مني وتشكل في

وكنت واثق برضوا ان الشخص العزيز الذي أودعته لن يتركني

بدأت تدريجيا بالتعبير عن كل ما أحتويه
وبصعوبة بدء العين يدمع حتى البكاء المرير

كنت أطوف في الشوارع بالمساء متطلع للسماء العين يـُسكب منها الماء
ولكن كنت واثق بالتطوير الداخلي

كنت انظر بجلسة المشورة وأجد فيها ذاتي مكشوفة

رغم اني عارف ومتعرف عليا وعلي انساني الداخلي
لكن كنت في احتياج لشخص يشاور لي علي اللي جوايا

ولا انكر صمود بعض من المقربين لدي فكانوا بيحاولوا تشجيعي

والآن انا مش هاقول اني تماماً أصبحت طبيعي

فمن وقت لأخر اجد الدمع ينهار دون أن أدري!!!

ولكن لست بمضطرب أو منزعج، فهذه الدموع صحية

لكن اللي هاقدر أقوله

اني في طريقي للنمو والتطوير المستمر

كل ده بسبب صدمة كبيرة هزتني من جوه

وهي اني كنت في قلب الأحداث ومحاولة انقاذ حد مقرب جداً لقلبي

دلوقتي بس أقدر أقول لهذا الشخص 
شكرا ان حتى في انتقالك خلتني انمو

وده جواب وداع ليه

 Thanks Indeed
George W.Ishak

مارس 2013