" فاكر "
فاكر كل واقفة معاك ومكملتهاش
وفاكر كل عهود قطعتها ومنفذتهاش،
فاكر كلام كتير قولته ومعملتهوش
وطرق كتير معاك ومكملتهومش،
فاكر كل مرة زقيت ايديك
وقلت حياتي ديه مش ليك،
فاكر كل رسم وتخطيط
وكنت بوقفك دايما بعيد،
فاكر كل هذار وتهريج
واول لما تحصل مشكلة كنت اول مدان بشاور عليك،
فاكر لما سخنت علي وعظة وواعظتين
وكان داه لمجرد يوم او بالكتير يومين،
فاكر لما قلت اني بؤمن بيك
لكن قلبي باعد كل البعد عنيك،
فاكر لما كنت باعمل خطايا كتير
واتعلمت الذاي اوسم وادوس على الضمير،
فاكر لما كنت بقول اني خادم وباغسل رجلين
لكني اكتشفت اني واخد الموضوع كله مجرد سلف ودين،
فاكر لما كنت كل اللي بقوله ليه كدة
وليه دايما حياتي معاك متنكدة ،
فاكر ايام عجرفتي واعجواجي
و المرات الكتير اللي عليت فيها صوت كبريائي،
فاكر كل مرة مثلت فيها الايمان
علشان صورتي الحلوة قدام الناس تبان،
" لكن "
بالرغم من كل كل داه دايما بتفضل امين
وفي وقت الشدة بتنظر وبتعين
ومش بس كدة لكن انت حال في كل حين
بتعضد وتسند وعمرك ما بتهين،
عمرك ما بتفتكرلي الاسائات
وعمرك ما بتعملني بطريقة خد وهات،
مش باهون عليك تسبني
ولما اضعف او اضيع بأديك الحانية بتجبني،
بتعرف تغفر الاسائات
وبكل حب تغير اللي فات،
" ارجوك "
خليني اعيش امين ليك
واعرف اسيب حياتي ملك ايديك،
اسلم ليك كل امر
علشان انت الوحيد اللي في ايديك العمر،
ارفع عنيا من علي كل نفسنا
وعصبية وقولة انا ،
بمراحم ايديك غيرني
وبنفخة من روحك شكلني،
ارفع عنيا عليك لفوق
وخلي حياتي تتملي منك وتفوق.
