" يا بختك "

امجد اسحق ٢٢ أكتوبر ٢٠٢٠

" يا بختك " :

يابختك لو اللي جواك زي اللي براك،

يابختك لو بتعيش بوش واحد مش بوشوش كتير،

يابختك لو عرفت تعيش صح وسط عالم غلط،

يابختك لو اتقابلت مع النور وعايش كل حياتك مسرور،

يابختك لو عرفت تخرج برا ذاتك واديت للناس حياتك،

يابختك لو حاطط لكل حاجه حدود وفي كل حاجة عليه مسنود،

يابختك لو كل الليالي اللي عدت عليك بتعرف تحولها لنهار،

يابختك لو شايف الصورة بعنيك كاملة ليك،

يابختك لو عرفت تعيش انسان وسط عالم حيوان،

يابختك لو الظروف السيئة مش بتكسرك لكن بتقويك،

يابختك لو خفت بس مخلتش خوفك يشلك،

 يابختك لو بتعتبر الحياة مدرسة وكل يوم بتتعلم فيها درس جديد،

يابختك لو عرفت نقاط ضعفك ومسبتهاش تتحكم فيك،

يابختك لو القليل بيرضيك والكتير مش بيسطر عليك،

يابختك لو عرفت تحب وتتحب بجد مش مجرد كلمات،

 يابختك لو مش واخد حياتك هذار وعارف قيمتها ونجيتها من النار،

يابختك لو بتشقي وتتعب علشان بعد كدة تعرف ترتاح،

 يابختك لو بتسلم كل امورك ليه ومش بس في الصعب بتترمي عليه،

 يابختك لو مش بتعيش قلقان ومش بتسيب نفسك تحت تقل الاحزان،

يابختك لو بتتحكم في صراعتك ومش بتنهزم قدام شهواتك. 

يابختك............