عاوزة ابقى انا

عاوزة ابقى انا

عاوزة اصرخ بأعلى صوتى واقول كفاية , كفاية ,كفاية كفاية ,مش قادرة اكون غير نفسى

عاوزة اختلف عن غيرىفى شكلى وكلامى ومبادىء

عاوزة اكون مجنونة او طفلة صغيورة او عاقلة وراسية والكلمة ليها وزن ورسمة

عاوزة اصرخ واقول كفاية رفض لمشاعرى , اه يا مشاعرى

كفاية تأنيب لضميرى على احاسيسى لانها مش زى الباقى مش عاوزة ابقى زى حد

عاوزة ابقى زى نفسى

عاوزة اتقبل زى ما انا من غير رتوش او تلوين مش هعرف اكون غير نفسى  مش عاوزة ابقى زى الناس عاوزة ابقى انا

عاوزة احب وارفض وانا مش خايفة من العزلة والوحدة . مش عاوزة اتصنف واتشاف من عدسة بحجم الاناناس

عاوزةاتشاف بكل الالوان لانى مش ابيض واسود انا مشاعر كتييييرة وافكار اكتر انا مش جماد انا انسان بتغيير كتييييير وببحث عن نفسى اكترررررر

عاوزة اصرخ واقول رحمتك يارب

عاوزة اتفهم بالى انا اقصدة من غير تقويل وعويل

عاوزة لما اقول اه يبقى اه , لما اقول لا يبقى لا ( فيها حاجة دى )

عاوزة احلم من غير ما اخاف من الحلم لانه مستحيل

عاوزة ابكى من غير مااخاف دموعى تنشاف

عاوزة اضحك من غير مااكتم صوتى من عيون الناس

عاوزة اعمل اللى بحبه وبلاقى نفسى فيه ومعملش اللى  ..............لازم تعمليه !!!!

عاوزة اكون انا ........................انسان

سماح - القاهرة