حبيت، ايوه انا حبيت
حبيت الجنس واشواقه
حبيت الحب واشجانه
حبيت اللمسة واللهفة والشهقة
حبيت اللحظة والهمسة والغمزة
حبيت القبول، والوصول للغير مقبول
قُلت يمكن اشبع وهو انا هاخسر ايه؟
اخسر ايماني؟ اخسر كياني؟ هاخسر ايه؟!!
اه طب ليه اسيبه بس دا مشتاق وجعان
زيي زيه بيدور هو كمان يمكن يشبع بالاشواق
بالاوجاع! بالاحلام! بالاوهام!
بالضحكة الحلوة! بالنظرة المسروقة! باللمسة المِدارية!
انا كمان جعانة خليني امشي وراه يمكن اشبع معاه
ارقص معاه احلم معاه احضن كمان وياه حضن امي اللي مش لاقياه
يمكن الاقاه معاه!!!
اه اختلف ايه انا عن الحيوان اللي بيلف في ساقية جعان
يمكن يلاقي الاكل اللفة الجاية وهو مش عارف انه محصور في نفس المكان
اه يارب ياخالق الاكوان علمنا نكتفي بالرحمن
نشكره نصبر نتجرع كأس الالام
يمكن نلاقي نعمة فرح وغنى كمان
متألمة
11/24/2014
