أه أنا أتغيرت
مش بضحك ألا من قلبي والضحك بالنسبالي بقى ضحك
وبس , مش بخبي بيه ألمى علشان مسمعش كلمة مالك
وسعتها أحكى وأنا مش قادرة أنطق بكلمة
أه أتغيرت
مش بملا الفراغ اللى فى اللمة زى الأول أخيراً فهمت أنها
مش مسئوليتي
أه أتغيرت
بطلت أقدم نصيحة ألا لما يطلب مني
أقدر أقول رافضة أتتدخل فى شئون غيري ورافضة تدخل
الغير فى شئونى
أه أتغيرت
أوقات بحب أبقى وحدى, وأوقات عايزة اللمة أوقات قادرة
أستضيف الناس وأوقات مش قادرة , المهم فى كل مرة
بعلن عن ده وأنا مش خايفة
أه تغيرت
بطلت أضغط على نفسي , وبعلن عن كونى مش متاحة
فى أى وقت بكل حرية
أه أتغيرت
مابقتش أولوياتى أنى أتعِجب من كل الناس , مابقتش أبذل
مجهود فى أنى أتفهم صح
بقيت أنا زى ما أنا وبرحب بكل حب ودعم ليا وأنا كده
مش طموحى رضا الناس لأنى عرفت أنهم عمرهم ما
أتفقوا على الأعجاب بحد
ده يمكن هما نفسهم بطلوا يحبوا نفسهم
أه أتغيرت
حاسه بحرية أكتر بتكلم بطبيعتى أنى
أتقبل أو لأ مش فارق , مش شيفاها من عنيهم شيفاها من
خلاله خلال اللى حببنى زى ماأنا
أه أتغيرت
قبلت ضعفي وتناقضاتى , قبلت كل مشاعرى الملخبطة
وصراعاتى , كتبت على كل منطقة من دول منطقة عمل
تحت أشراف ألهى , ممنوع الأقتراب لحدود معينة
ومتستعجلش وتاخد صورة لأن العمل لم ينتهى ولو أخدت
الصورة وشكلها مش عجبك هتكون مشكلتك أنت لأن
المشروع لسه ما أنتهاش
أه أتغيرت
بطلت أغرق فى تحليل كل شئ وكل الناس , وكل
الأحداث , بقبل الحياة كدة زى ما هى بالجملة
أه أتغيرت
