من خواطر الزوار الشخصية
لازم كده
لازم كده
لازم يكون اللبس كده
لازم تكون الصلاه كده
لازم تكون الطقوس كده
و لما تسأل ليه كده..... يقولوا هو كده !!!!
لما تقول لهم لازم نحب بعض لازم نقبل بعض
ييجوا عند لازم هنا و تكون مشكله
لازم كل حاجه لكن لازم نحب لأه
لازم نقبل برضه لأه ..... ناس غريبه
في الشغل يسألوك أنت مسيحي؟؟
و في الكنيسه يسألوك أنت أورثوذكسي؟؟
و لما تقول لهم أنا مسيحي بس مش طائفي
يبرأوا و يقولولك .. دي طايفة جديدة؟؟
كنت أفكر أن الأورثوذكس بس همه اللي فاكرين نفسهم صح و الباقي غلط
بس لما شفت طوايف ثانية فيها ناس بتفكر نفس الفكر
عرفت أن الموضوع مش موضوع طايفة
ده موضوع فكر.
نميز البشره الفاتحه .. نميز جميل الطلعة
نميز بني جنسنا .. اللي يتكلموا زينا
اللي يفكروا زينا .. اللي يعبدوا زينا
و غير كده كل الناس حوالينا متخلفين كافرين
لازم يكونوا زينا .... و عجبي
لما تقولهم أن الله عينيه مختلفه مش بيبص زينا
الله بيبص للقلب
يقولوا بس لازم نعترف .. لازم سر التناول
لازم نلبس إيشارب .. لازم نرشم الصليب
لازم نقرا الأجبيه .. لازم نرفع إيدينا
لازم نسقف .. لازم ربنا يحاسب الناس كده
ده في النار و ده في السما.
يـــــــا رب أشكرك .. لأنك مش بتفكر زي البشر اللي خلقتهم
بس أملي أننا نفهم فكرك أنت
************
سيلفيا وجدي
القاهرة
قل رأيك بصراحة
تعرضت للحرمان العاطفي كطفل تحت سن 15 عام
نعم - 74.3%
لا - 25.7%
Total votes: 1664
The voting for this poll has ended
خواطر وأفكار جديدة
نعمة عدم الكمال
جميعنا يعاني الخزي والخوف من ألا نكون كافين. نعم، الكثيرون منا خائفون من أن يدعوا نفوسهم الحقيقية ليراها الناس ويعرفوها..
مقدار ما نعرف أنفسنا ونفهمها مهمٌ للغاية، ولكن هناك شيء ضروري أكثر (لعيش حياة بكامل القلب) وهو أن نحب أنفسنا (تلك التي نعرفها)! فالعيش بكامل القلب يتمحور حول تقبل هشاشتنا وضعفنا..
رحلة العيش بكامل القلب طريق ضد الثقافة السائدة قليلاً. فالرغبة في قص قصصنا، والشعور بألم الآخرين، والتواصل الحقيقي بالعالم غير المتواصل ليس شيئًا في وسعنا فعله بنصف قلوبنا..
إقرأ المزيد...
التعليقات
الصينيون يرسمون المسيح ضيق العينين، والاوربيين يرسمونه اشقر وابيض البشرة وعيونه زرقاء، والسود يجعلون من بشرته سمراء،والشرقيون يعطونه ملامح شرقيه!!
الانسان بطبعه يميل الى القولبه والتوحد بالجماعه والتحيز،الا اذا تمرد ونضج فكريا ونفسيا.
(لازم يكونوا زينا .....وعجبى) اشعر ان هناك صلاح جاهين جديد قادم فى الطريق.
اسلوبك جميل واحساسك مرهف،استمرى فى كتابه خواطرك،والرب معكى.
بس أملي أننا نفهم فكرك أنت"
...
رائع لما نفكر في امور الناس ونتعب منهم ... نرجع للرب نلاقي الأمل والحل لينا وليهم ونساعدهم ...
ونقوله ..."بس أملي أننا نفهم فكرك أنت" ونفهم فكره كل يوم أكتر واكتر ... والنور ينوور فينا ومن خلالنا أكتر واكتر
شكرا سيلفيا على الكلمات الرائعة
اشكرك على كلماتكم