صوتي جوا يا بيصرخ في صمتي..... كفاية .
وصمتي جوا يا بيصرخ في صوتي ....كفاية .
و أنا مابينهم بحتار مين فيهم أقوله: جالك وقت النهاية؟؟
و لسة.... لسة في جوا يا شيء رافض يموت و ينكسر.
لسة في جوا يا شيء عايزنى أفوت و انتصر .
لسة في جوا يا صوت بيقولى عدى و كملي .
ايوه هو نفس الصوت بيقولى لا تستسلمي .
بس برضه لسة جوا يا سؤلات حيرانين .
مابين جروح و وجع و دموع و أنين .
لسة في صرخات و أهات مكتومة .
لسة في أمور كتير مش مفهومة .
و أديني قدامك و صمتي يسبق دموعي .
أديني قدامك بصبري أعنى يسوعى
أديني قدامك بأخر شيء صغير باقي جوا يا
بعد ما انهارت حاجات كتير و خارت قوا يا
أديني قدامك بقلب كله شوق ينال رضاك
أديني قدامك يارب عينيا ليك تترجاك
أديني قدامك يارب و قلبي خاضع
أصل قلبي رغم كل وجعه سامع
صوتك الحلو بينده على
صوتك بالحب بيعا لجنى من اللي في
بس لسة جوا يا خوف مش عارف إيه مصدره
خوف على أشخاص خوف على حاجات
خوف على أوقات خوف من اللي فات خوف من اللي آت
خوف من أنى ما عرفش أكون في مشيئتك
خوف ده يا يسوع ولا مخافة لشخصك..
لكن ادينى قدامك و انائى يمكن يكون مشروخ و متجرح
بس نفسه يكون إناء للكرامة و لقلبك يفرح
ادينى قدامك يسوعى بسلم كل شيء بخضوع
ايوة عارف أن ممكن تقابلني دموع
ايوة عارف الطريق ضيق و صعب
ايوه عارف أنى هامشي طريق الصلب
بس جوا يا يسوعى حب بيوجه قلبي ليك
ياللى حبيتنى للمنتهى أنا بين أيديك
بكل اللي في .. بكل اللي لي .. حتى و دموعي في عينيا
بصوتي و سكاتى... بضحكي و أهاتى.. باللي عدى في ماضيا
باللي جاى في حياتي بحبك فاديا بحبك فاديا بحبك فاديا .
