ياللى عايش
ياللى عايش فيه ومش متمتع بيه
و سايب الدنيا تلف وتقول ده زمن
و حاسس بضعفك وساكت عليه
و خايف من بكره و حاسس بضياع الأمل
وفكرك بعيد عن عمل يسوع اللي أتعمل
فتقول يا رب بأوطى صوت أحسن يسمعك
وأن سمعك و نفذ لك طلب تخاف لما تغلط من حبه ليك
وبدون وعى ناسي أهم عمل
وبدون تفكير ناسي أنه هو اللي خلقك تعيش
وعقلك عارف بقى شارد ومش قادر يعيش
طب فكر معايا ليه الصليب
هل هو عمل هدفه غريب
ولا بس عشان نعيش أبديه مع الحبيب
طب لو الصليب للأبدية ليه ما أنتقلش كل اللي أمن بابويا وفادىَ
عارف اصل قال في كتابه جيت أديهم أفضل حياه وسط العالم اللي ما تنفعش فيه حياه
يمكن عقلك راح يفكر في واقع الحياة
معاك بس فكر يمكن فعلا الكلام مظبوط و سهل يتحقق معاه
تعال أقولك سر خطير لو نفذته هـ تلاقى أكيد الحل
أطلق روحك تسبح مره في عمق المياه
هـ تلاقى نفسك فهمت معنى أفضل حياه
وفى وسط الألم والضيق والحزن هـ تغنى بكل قوة معاه
صدقني يمكن صعبه الحياة والعيشة مره بعيد عن سماه
لكن هو خلصنا عشان نمجده ونعلن أسمه ونخبر بعظمة غناه
يمكن شايف بعين ماديه أمور سلبية وواقع مالوش رجاه
لكن بص بعين الأيمان هـ تلاقى فيه وحده النجاة
فعشان تختبر قوة في وسط ضعف لازم يكون ضيق
وعشان تشتاق لأبويا لازم تحس بالفراق
وعشان ينمو الأيمان لازم يتحرق كل شك في رب الإنسان
وأكيد النار هـ تقرب من الأيمان لكن بعلاقة الحب هاتكون في أمان
نفسي تفكر فيه بس حاول أنك ما ترجعشـ زى زمان
لأنه بـيحبك وغير مشروط حبه
فمش بـخطيتك هـ يحط شروط لكن ده هـ يزيد اللامشروط
صلى لبابا بحالتك هـ يزود فيك القوه ويعلمك معنى العلاقة المرجوة .
مودي سمير
