اختبارات

اختبارات شخصية

"بعد اذنكم لو اتيح انكم تزودوا باب الاختبارات الشخصية،
لانه يعتبر حافز لأى شخص لا يعرف عالمه الداخلي. 
تلك الاختبارات تعطي لنا الامل في التغير."
                     وشكراً
                         مرمر- إحدى القارئات

احب اتكلم عن تأثير دراستي للمشورة

تقييم المستخدم: 5 / 5

احب اتكلم عن تأثير دراستي للمشورة تبع خدمة المشورة و النضج المسيحي للمستوي الاول اون لاين. انا مريضة إكتئاب من 16 سنة و طول الفترة دي بتردد علي الاطباء النفسيين بكثرة و باخد كميات كبيرة من الادوية النفسية تصل ل 6 برشامات او اكتر في اليوم و كانت حياتي معرضة للخطر بسبب تفكيري المتكرر في الانتحار و حياتي كانت مليانة مشاكل مع اسرتي و اتعرضت في عملي عدة مرات للاستجوابات و التحقيقات بسبب اني ش قادرة اقوم من السرير و لا افتح عينيا بسبب الاكتئاب الشديد. و لأن الشئ الوحيد اللي كنت بلاقي نفسي فيه هو اني اسمع حد تعبان و يرتاح معايا، فكرت ادرس المشورة اون لاين و بدأت ادرسها تبع مركز المشورة و النضج المسيحي. في البداية بدأت ادرس عشان اتعلم اساعد الناس بشكل صح لكن... لقيت مع الدراسة اني بتغير .. افكاري و حياتي واحدة واحدة بتتغير. الدنيا بتنور. بقيت بفهم نفسي اكتر و بقرب من ربنا اكتر. بقيت اكثر مرونة لما بواجه مشكله. اتعلمت ازاي اسند نفسي و اتسند بتوازن علي اللي حواليا لما اقع.

حاليا و بعد حوالي 3 سنين من الدراسة انا ناجحة جدا في سغلي و مميزة كمان و جرعات الادوية قلت جدا بقت برشامة و نص بس في اليوم، بقالي سنتين مارحتش للدكتور النفسي. سعيدة بحياتي وعلاقاتي وبالتغيير اللي حصلي.. فعلا فعلا بشكر مركز المشورة و النضج المسيحي و بشكر باشمهندس مشير سمير علي تعليمه اللي لمسني و ساعدني اتغير، ربنا يباركم و يزود ثمركم. لأني اشهد اني كنت ميتة و حييت.

ربنا يملاكم من غناه و يفيض .
t.m.

أضف تعليقاً جديدا